MOSORSISI 無所事事

Si Si

點解想整帽？
因為我同 Ziki (partner) 都好中意帶帽所以就整左 🙂 其實無所事事既 product 其實都係自己想要所以就去做。好似最近出既 tee 因為都係自己想要所以就出啦~

成日自己一個織帽個心情係點既呢~~ 悶唔悶架？
其實專心起上黎既時候係唔會覺得悶既，但係做做下野，休息下既時候如果身邊無一個人同你吹下水既時候就會覺得悶啦，咁所以ziki 返到黎既時候係一個好大既振奮因為我地可以吹下水之餘呢就會傾都其他野 brainstorm d 野出黎lo~

你覺得無所事事既特色同定位係…？
其實無所事事無話凈係出帽架，無所事事個定位係千變萬化的，但最緊要係帶到一個正面既能量同訊息俾其他人咯~ 同埋就係對於我地黎講就係鍾意就去做啦，唔好諗咁多啦。其實唔係真係無所事事咁樣 hea 住係度。但只不過可能係你繁忙既工作中你都要搵一d你自己鍾意做既野去拼命咁左，呢個就想我地既宗旨。

旅行最想去的地方？
就係去曬日本所有既地方，即係可能其他好鄉村既地方或者好小鎮既地方。總之全個日本要去曬！

最欣賞的設計師，artist，人物？
係Undercover 既 高橋盾，因為佢既 concept 真係好癡線但佢做既 product 出黎又好靚wo。

老套必問：仲有夢想嗎？係咩？哈
無咩夢想個wo，可以講係目標咯~ 以前可能會想有個 studio，而家有做間studio la，可能目標係想開一間舖咁樣，但終極目標呢~係想係日本買個單位咁就可以無時無刻都可以返去日本啦 :)​ ​因為覺得係香港真係好大壓力，就算你唔做d乜嘢都好大壓力啊。其實但又唔會講到移民咁誇張，因為始終個人係生於香港都係鍾意香港，但係就係想如果係日本買左屋既話就可以隨時返去個邊抖抖氣，可能抖返一年半載跟住返返黎幾個月咁樣咯 。

同埋啊，而家相入多d工具同埋機器咯，既係可能入多d可以令到我件 product 個 quality 好d提高既機器。例如上次講既 YKK既 五金啦。想用日本既 YKK 五金加係頂帽度。咁個 quality就會提高。同埋。我覺得，唔知啊，我自己對made in japan 既機器本身自己個人會舉得好興奮啊買左返黎之後 xp

下面有些我們拜訪 MOSORSISI 時候的照片

他們的手作產品
their handmade products